Ke Alo O Kona Mo'I (The Face of Her King)

By Robert Lono Ikuwa

Book Id: WPLBN0002096782
Format Type: PDF eBook:
File Size: 6.55 MB
Reproduction Date: 1/13/2011

Title:	Ke Alo O Kona Mo'I (The Face of Her King)
Author:	Robert Lono Ikuwa
Volume:
Language:	Hawaiian
Subject:	Non Fiction, Education, Hawaiian Education
Collections:	Education, Authors Community, History, Literature, Favorites in India, Most Popular Books in China
Historic Publication Date:
Publisher:	Na Kamalei

Member Page:	Hale Kuamoʻo Hawaiian Language Center
Citation APA MLA Chicago Lono'ikuwa, B. R. (n.d.). Ke Alo O Kona Mo'I (The Face of Her King). Retrieved from http://self.gutenberg.org/

Description
Na Kamalei-He Papahana Ho‘ona‘auao Kamali‘i ia no loko mai o kekahi hui ku i ka ‘auhau ‘ole no ka ‘oiwi Hawai‘i. Aia kekahi i loko o keia ‘ahahui he polokalamu ho‘ona‘auao makua/kamali‘i no ka lawelawe ‘ana i na ‘ohana o Ko‘olauloa ma ka moku- puni o O‘ahu. Me ke kokua kala ‘ana o ka Administration for Native Americans no ka pahana Na Kama o Ko‘olauLoa, ha‘awi keia ‘ahahui i na ‘ohana i mau lawelawe ‘ohana a me na ha‘awina ho‘ona‘auao ho‘i no ka ulu maika‘i ‘ana o ke keiki kupono ma kona mo‘omeheu a me ka pilina kanaka. ‘O ka haku ‘ana i na mo‘olelo no na ‘ohana i loa‘a na po‘e kamali‘i kekahi hana a makou. Ho‘olako ‘ia no ko makou mau ‘ohana me na mo‘olelo leo ma ko makou kaiaulu. No ia kumu, ho‘opuka ‘ia a‘ela na mo‘olelo kuhohonu no ko makou ‘ano he kanaka maoli—‘o wai kakou a mai hea mai kakou. I keia manawa, paipai aku na po‘e kupuna i ke kuka kama‘ilio ‘ana i na mo‘olelo no ka maika‘i o ka hanauna e hiki mai ana. A‘o pu ‘ia akula na mo‘olelo, ka ho‘ike honua, ka ‘olelo, na loina, a me ka mo‘omeheu i loko o keia mau puke no na po‘e kamali‘i pae makahiki 2-4. Nana nui ‘ia keia pu‘ulu puke ‘ewalu o Na Kama o Ko‘olauLoa no na haumana kuikawa a me na keiki i nele i loko no o ka po‘aiapili o ke kaiaulu ‘oiwi Hawai‘i.

Excerpt
‘O na ‘ahahui kaiaulu o Ko‘olauloa me ko lakou mau haku puke ko makou mau kumu waiwai. Na lakou no i kako‘o i ka holomua ‘ana o ka heluhelu a me ke kakau ‘ana o na po‘e keiki ‘oiwi me ko lakou mau po‘e ‘ohana. Ua hana like pu makou ma ka haku ‘ana i keia mau puke a ka‘ana like pu makou i na mana‘o like ‘ole ma ke a‘o aku, a‘o mai. He kupaianaha keia mau puke, no ka mea, na makou, na kupa o Ko’olauloa i ha‘i i keia mau mo‘olelo. Ua pa‘i ‘ia akula kela puke keia puke ma na ‘olelo kuhelu ‘elua o ka moku‘aina ‘o Hawai‘i—Ka ‘olelo Hawai‘i a me ka ‘olelo Pelekane. ‘O na hua ‘olelo Hawai‘i kahiko me na hua ‘olelo Hawai‘i hou ke ‘ano o na hua ‘olelo ma loko o na puke mo‘olelo. ‘Oko‘a iki paha ka ho‘ohana a pela ‘ana i na hua ‘olelo ma Ko‘olauloa me na wahi ‘e a‘e ma Hawai‘i nei. Ua ho‘okomo pu ‘ia kekahi mau hua ‘olelo Hawai‘i ma ka po‘o‘olelo Pelekane, no ka mea, ua hele a ma‘a keia mau hua ‘olelo Hawai‘i i ko makou kaiaulu. Ua ho‘a‘o nui makou e ‘olelo me ka hemahema ‘ole o ka ‘olelo Hawai‘i ma na ‘ao‘ao o keia mau puke. No na keiki a pau, ua ho‘ola‘a ‘ia ihola keia mau puke me ke aloha ia Maxine Kahaulelio, ‘o ia ka mea nana i ho‘okumu ia Na Kamalei, Keoana Hanchett, ‘o ia ke kahu papahana mua o Na Kamalei, a me Kawai Aona-Ueoka, ‘o ia ke kumu mua o Na Kamalei. Mau no ko lakou ho‘olale ‘ana mai ia makou. Mahalo Ke Akua. Na Kamalei.