Moku Ka Pawa

By Keoni Kelekolio

Book Id: WPLBN0002096914
Format Type: PDF eBook:
File Size: 0.6 MB
Reproduction Date: 5/10/2011

Title:	Moku Ka Pawa
Author:	Keoni Kelekolio
Volume:
Language:	Hawaiian
Subject:	Non Fiction, Education, Hawaiian Education
Collections:	Authors Community, Education
Historic Publication Date:
Publisher:	Hale Kuamo'o

Member Page:	Hale Kuamoʻo Hawaiian Language Center
Citation APA MLA Chicago Kelekolio, B. K. (n.d.). Moku Ka Pawa. Retrieved from http://self.gutenberg.org/

Description
E na makamaka pulama mau i ka olelo makuahine e noho mai nei mai kaulana a ka La i Kumukahi a i komohana a ka La i Lehua, welina me ke aloha. O ka La ka mea e malamalama ai ke ao; mahalo ia kona malamalama, o ia kekahi mea nui ma ko kakou ola ana. O ka malamalama, olelo ia ua like ia me ka naauao, a ua laha ia manao i loko o na mele a me na olelo noeau. Eia nae, pehea hoi ka wa loaa ole o ka malamalama He aha ka manao kuuna Hawaii no ka po Ma ke mele koihonua o ke Kumulipo, olelo ia e ma kinohi, he po wale no, a he po wale hoi. Mai loko mai o ka po i puka mai ai na mea a pau: o na akua oe, o ka Honua oe, o na mea ola oe, a ia mea aku, ia mea aku. He aiwaiwa maoli no ke ano o ka po! O kekahi manao o ka po, o ia ka mea maamau ia kakou, o ia ka wa loaa ole o ka malamalama o ka La ma waena o kona aui ana aku ma ke Komohana, a hiki i kona puka hou ana ae ma ka Hikina. Olelo ia, o ka po, he wa ia no na akua a me na uhane, a o ia no hoi ka wa i ike ia ai ka moeuhane. He mea nui ka moeuhane ma ka moomeheu Hawaii, no ka mea, ma na moeuhane e ike ia ai na hana a hanana e hiki mai ana. Ua noonoo nui ia na moeuhane a ninau aku na kanaka “He aha ka puana o ka moe He aha hoi ka hoike a ka po” He mea nui no hoi ka po ma kekahi mau oihana kanaka. No ke kanaka kilo hoku, o ka po ka wa e akaka mai ai na hoku o ka lani a e nana ai o ia i na ouli e ola a make ai. Ma ka nana ana i na Olelo Mua.

Excerpt
O Kona, ka aina o ke kai maokioki e waiho kunihi ana i ka pa olu mai a ka makani Eka, o ia kahi i noho ai ke alii, o Makalii kona inoa. O ke ano o ia alii, he pi a he makona. Aole e nalo ka iwi o ke alii ino, o ko ke alii maikai ke nalo. Upu ae kona manao ino e pilikia ai ka aina, ka poe, a me na holoholona. O kona manao, o ia ke kaili ana i ka ai a pau a nele loa ka aina. I mea e hooko ai i kana mea kolohe i hooholo ae ai, hoiliili aku o ia i na ai a pau o ka aina, o ke kalo oe, o ka uala oe, o ka uhi oe, o ka hoi oe, a me na ai e ae a pau he nui wale. Aole nae o ka hua wale no ka mea i lawe ia, o ka lau, ke au, pau pu me ke aa kai huhuki ia i nele loa ka aina i ka ai, aohe wahi ai i koe! Aohe mea koe aku ia Makalii; pau no ka liko me ka laele. Hoahu ihola o Makalii i ka ai ma ke koko, a hiu aela no ka o ia i ke koko i luna loa ma ka lewa lani a paa ma kekahi mau hoku ma laila. E like me kana mea i noonoo ai, pela no o ia i hana ai a ko kona makemake hoonele ai, a o ka hopena o ka aina, ka poe, a me na holoholona, ua puukiuki i ka pilikia. Aohe mea e ai ai, a aohe mea e kapi ai, o ka pololi no hoi ia o ko ka aina.