Email this Book

He Mo'Olelo No 'Ivanaho

By Lokahi Antonio

Book Id: WPLBN0002096928
Format Type: Default
File Size: 2 MB
Reproduction Date: 8/4/2011

Title:	He Mo'Olelo No 'Ivanaho
Author:	Lokahi Antonio
Volume:
Language:	Hawaiian
Subject:	Non Fiction, Education, Hawaiian Education
Collections:	Education, Authors Community
Historic Publication Date:	1995
Publisher:	Hale Kuamo'o

Member Page:	Hale Kuamoʻo Hawaiian Language Center
Citation APA MLA Chicago Antonio, L. (1995). He Mo'Olelo No 'Ivanaho. Retrieved from http://self.gutenberg.org/

Description
O ke kaao moolelo o Ivanaho, aole no i hoomaka mai ia mai kona mau la opiopio mai a hiki i kona hopena, aka, ua hoomaka mai no ma hope iho o kona hoi ana mai i Enelani, ma hope iho o kona hele ana me Rikeke I o Enelani i ke Kaua Kea, o ia hoi ke Kaua Kerusade i Palesetina. O ke "Koa o Ivanaho," he punahele no ia na ka Moi Rikeke I i kapa ia o ka "Puuwai Liona," a na ua Moi wiwo ole la i hooili aku i ka inoa "Koa o Ivanaho," ma luna ona, a o kona inoa maoli nae o Wilifereda. Ke unuhi nei makou i keia kaao moolelo no ko oukou mau hoonanea ia, e ko makou mau poe heluhelu, a ina ua hoohoihoi ia ko oukou mau hoolauna ana e keia kaao, a laila, o ia ihola no na uku o ko makou luhi ana.

Excerpt
I loko o kela okana aina oluolu o Enelani e hoopulu ia ana e ka muliwai Dona, ma laila kekahi ululaau nui i ka wa kahiko nana i uhi aku i ka hapa nui o na awawa a me na puu e waiho ana ma waena o Sefila a me ke kaona oluolu o Donekesata. O na koe o ua ululaau nunui nei, e ike ia no ia i keia manawa ma na noho hanohano o Wenewota, Wanalife, a me Rotehama a puni. Ma anei i holoholo ai i ka wa kahiko ke deragona kupua o Wenale; a ma anei no i hoouka ia ai ka nui o na kaua weliweli i loko o na kaua kivila ana i kapa ia ai ke kaua o na Rose; a ma anei no hoi i hoopunana iho ai i ka wa kahiko, na poe puali hoole kanawai kaulana o ka wa kahiko, no lakou na hana i maa mau i loko o na mele o Enelani. O keia ihola kahi nona ko kakou moolelo, a o ka manawa hoi o ko kakou moolelo, e huli aku ana no ia i ke au o ka hoomaka hou ana mai o Rikeke I e noho alii a hiki i ka hopena o kona noho alii ana, ma hope iho o kona pakele ana mai ka hoopaa pio ia. O kona wa i hoi mai ai mai kona hoopaa pio loihi ana, he mea no ia i ake nui ia ma mua o ka manaolana ia ana, e kona mau makaainana i hoonele ia; oiai, i loko o ia manawa, o lakou ihola na poe luahi o kela a me keia mau hookaumaha kuapapanui wale. O na poe alii nui i loko o ka wa e noho alii ana o Setepano, na poe alii hoi a Heneri II i hooemi iki mai ai i ko lakou mana ma ke ano hoolilo ana i kekahi hapa o ko lakou aina i ke aupuni.